Дүүргийн газарзүйн олимпиадад амжилттай оролцсон багш, сурагчдадаа баяр хүргэе

2021-2022 оны хичээлийн жилийн Улсын төрөлжсөн олимпиадын дүүргийн Газар зүйн хичээлийн олимпиадад Хан-Уул дүүргийн хэмжээнд 9,12 дугаар ангийн 164 суралцагч, 22 багш оролцсоноос олон улсын Кембрижийн хөтөлбөртэй Орхон Хасү сургуулийн багш, суралцагчид дараах амжилтыг үзүүллээ.

12 дугаар ангийн ангилалд: 12б ангийн суралцагч Б.Бэлгүтэй алт , 11а ангийн суралцагч Ч.Ариунаа, 11б ангийн суралцагч Б.Энхжин нар мөнгөн медалийн эзэд болсон бол 10а ангийн суралцагч Б.Тэнгис 7-р байрт орж нийслэлд оролцох эрхээ авлаа.

9 дүгээр ангийн ангилалд: 9б ангийн суралцагч Б.Нямцэнгэл хүрэл медаль хүртсэн бол 9б ангийн суралцагч М.Лхагва-Очир, 8в ангийн суралцагч Г.Мэнд-Амар нар 10,11 дүгээр байрт орж нийслэлд оролцох эрхээ авлаа.

Багш нарын төрөлд Б.Лхагвасүрэн багш маань хүрэл медаль авлаа.

Багш, суралцагчдадаа халуун баяр хүргэж, дараагийн шатанд нь амжилт хүсье.